ECG-13

بوست 13

بداية _____IHD ___ischaemic heart disease

طويل شوية بس هيخلص بسرعة أن شاء الله.

#ECG_2016_wafaa_ammar

قبل ما نبدأ النهاردة..

بوست ندى لازكس وريد فى عيان hypertension  ام لا انا هسيبه فترة مش هعلق عليه النهاردة علشان ندى فرصة لأكبر عدد من الناس تشارك ونعرف ايه الصح ان شاء الله .

_______

الملحوظة التانية..

قبل ما تقرا البوست ده لازم تتاكد ان قريت بوست 122 وفهمته وشوفت الصور ال فيه..من غير بوست 12 هيبقى صعب تفهم الجاى كله.

وعلشان تلاقى بوست 12 بسهولة ادخل على هاشتاج #ECG_2016 هتلاقى كل البوستات عليه هات بوست12 واقراه..

_______

نبدأ شغلنا النهاردة بإسم الله..

مبدئيا يا شباب علشان تقرأ ECG صح لازم تمشى systematicc بمعنى انك مش تبص فى ال ECG تقول ده كذا..

لااا. . لازم عنيك تعدى الأول على حاجات معينة بالتفصيل وورا بعض بتسلسل معين..

علشان بعد التمهيد ال شرحناه مخك هيبدأ يترجم المعلومات ال أنت شايفها فى رسم القلب ويقولك ده كده Normal ولللا لا..

الكلام ده مهم جدااا. .

طيب.. ايه بقى التسلسل ده؟؟

اول حاجة تشوفها الرسم ده regular or not regular ..لأن ده هيخليك مبدئيا كده تستبعد حاجات معينة من تفكيرك..

مثلا لو regular يبقى مش هنفكر ان العيان ده AF ببساطة كده..

طيب لو irregular هنبدا بقى نفكر هو ايه..يا ترى AF يا ترى heart blockk ياترى مجرد premature beats ال بتسموها extrasystoles بس كتيرة شوية؟؟ وللاا ايه؟؟؟

يبقى اول حاجة سواءا ال rate طبيعى او tachy أو brady لازم نعرف regular or not.

تانى حاجة لازم نحسب ال rate

واتعلمنا امبارح نحسبه ازاى. .

وده طبعا مهم علشان تعرف تحدد علاج العيان..

يا سلاااام...هو انا ممكن احدد علاج العيان بمجرد ما اعرف ال rate و regular or not??😮😮

أيوه طبعا..ومش تحدده بس ..دا انت هتديه كمان..

معقولة؟؟

ايوة. .☺

طيب ازاى؟ ؟

نفرض مثلا عيان جايلك شايلينه على تروللى قست ضغطه لقيته 70/500 حطيت ايدك على ال pulse لقيته tachy عملت بسرعةECG أو حتى rhythm strip فى الحالة دى مش ضرورى ECGكامل..

استنى استنى...ايه rhythm strip ده .. ماقولناش عليه قبل كده😱😱😱

معلش هنقوله ماتقلقوش..

ده خاجةكده اعتبرها رسم قلب مختصر بس اصبروا شوية..

نكمل..

انت بقى عملت ECG or rhythm strip

لقيت العيان VT أو SVT او rapid AF

هو فيه حاجة اسمهاrapid AF؟؟😢😢

أيوة فيه بس اصبررر بقى😠

انت لقيت العيان كده hypotensive..regular rhythm..tachcardic

هتعمل ايه؟؟

هتسيب كل ال فى ايدك وتدى العيان DC shock...

يا سنة سوخة يا ولاااد.. ايه ده كمان😢😢

يعنى صدمة كهربية..مالك مخصوص كده...اجمد..

يعنى انت مجرد ما لقيت العيان ضغطه واطى وقلبه حمامة ماتفكرش تعمل ايه تانى. .هى خلصت كده.. هتقول باعلى صوت عندك DC..DC...هيقوموا البنات جايبين جهاز الصدمات وتدى صدمة للعيان.

هتديها ازاى وفين واستعداداتك قبلها أيه وليه...هنقول كل ده فى وقته ان شاء الله..

طيب لو بقى واحد سفسطاءى قعد يفكر...امممممم ..العيان ضغطه واطى وقلبه حمامة... انا هعمل كده رسم قلب كامل اشوف سبب الموضوع ده أيه. .

وللا لا...هركب CVLL الأول. .لااا. .لاااا ... انا هكلم د.وفاء اشرحلها الموقف...يا عم لاااا. ..انا هفتح الكتاب أو النت لحسن أكون غلط😢😢😢 ويعمل بقى زى عبد الغفور البرعى. .

لو عملت كده العيان حرفيا هيموت وانت لسه...بتتدلع .. ودى شفتها فعلا بعينى مرتين من اتنين زملاء..للاسف.

وبعدين حضرتك مش جهبذ الطب علشان تخترع...عندنا حاجة اسمها guide linesماشيين عليها..

بس بس بس بس ....ايه بقى ال guide lines دى؟؟؟

دى حاجة كده بتنفرد بيها علوم أمراض القلب والعمايةالمركزة دونا عن باقى التخصصات😌😌😌

عندنا لكل موقف وكل حاجة بتشوفها بروتوكول معين نمشى عليه.. طول ما انت ماشى على البروتوكول أنت أمور وشطور وهتنقذ العيانين بإذن الله.. هتألف هتتبهدل وتبهدل الناس معاك.

... واحد هيقولى طب والguide lines دى اجيبها منين..دا انا لسه مستلم نيابتى الصبح..ياسوادك يا قرمط..انا هسيب النيابة دى...انا هستقيل. .هنتحر. .

هقوله اهدا كده وصلى على النبى..

اومال انا بعمل ايه...مهو الكلام ال بقولهولك ده هو ال guide lines ..😀

ااه والله...

كبر مخك كده واهدا...

يعنى الguide lines بتقول لوtachy with hypotension ,for DC؟

ايوه بالظبط كده..

يبقى انت كده عالجت العيان وانقذت حياته بمجرد انك عرفت rate & rhythm 👍👍👍👍

______ استنى مش كل عيان هتكهربه.. ده مثاااال علشان تفهم أهمية التسلسل ال قولنا عليه...

....

طيب..

بعد ال rate&rhythm نشوف ايه؟؟

هنمشى مع رسم القلب بالترتيب..

نشوف ال P نورمال أم لا

ال PR-segment نورمال وللاا طويلة عن النورمال.

ال QRS complex نورمال عرض وطول أم لا..

ال ..ايوووة صح.. ال قولنا تحفظها زى اسمك ..ST-segment هل هى isoerecticall يعنى ماشية على السطر بالظبط وللا طالعة فوق السطر وللا نازلة تحت السطر..

ودى بقى مهمة جدا جدا جدا من هنا لحد بكره الصبح..علشان كده بنشوف ال ST-segmentt فى كل lead لوحده.. يعنى اوعى تشوفها نورمال فى 2leads مثلا فتقول كله نورمال. لااااا. .اوعى...

عينك تمشى على ال ST-segment فى ال leadss كلها ..كلهم نورمال يبقى الحمد لله حاجة ...مش نورمال اوعى تفوتها. .اوعى...انا حذرت اهووو 🚀🚀🚀

طيب...بعد ال ST-segment

هنبص على ال T-wave. . لقيتها نورمال اوووك. ..لقيتها فيها لخبطة

احذر منها ال T-wave تابع ل ST-segment وبتديلك معلومات كتير مهمة..

هااا. ..خلصنا كده عرفنا هنبص على ايه؟؟

لا..معلش..باقى حتة صغيرة خاالص. .

ال axis..

ارمى عينك كده شوف LI&LII بيسلموا على بعض وللا متخاصمين؟

طيب الكلام ده ياخد وقت كتير؟؟

فى الأول طبعا هياخد وقت لحد ماتحفظ بنبص على ايه لكن بالممارسة هتبقى فى اقل من دقيقة شوفت كل ده وشخصت وبدأت تدى اوردر العلاج كمان..ايوووه صدقونى والله..ان شاء الله

بس افكركم بدل المرة الف ..مش معنى انك مش تضيع وقت انك تفتى. .لااااا...لو مش عارف ال قدامك ده ايه فورا انده حد أكبر أو كلم حد...فورا..

وعموما متخافوش. ..انتوا فى الأول مش هتكونوا لوحدكم ابدا...دايما هتنزلوا نبطشيات مع ناس أكبر. .هم يشتغلوا وانتوا تتفرجوا لحد ماتتعلموا ان شاء الله وقلبكم يجمد.

ال إحنا بنعمله هنا على الجروب علشان نسهل عليكم ونقصر مدة التعليم.

والله المستعان.

________يبقى الملخص_________

علشان تقرأ ECG صح لازم تبص على الحاجات الجاية دى كلهاو بالترتيب..

Rate

Rhythm

P-wave

PR-segment

QRS-complex

ST-segment

T-wave

Axis

يللاا. ..خدوا نفسكم ونشوفكم البوست الجاى.

....

على فكرة..كده لسه ما بدأناش ال ischaemia- الراجل الغلس ستايل.

😄😄😄

.....