dissection

معلومة فى كبسولة..
ياشباب علشان كبسولة ال aortic dissectionn ال قولناها من شوية وترت الناس وبتسألوا نعرفه ازاى clinically..
هو طبعا حاجة خطيرة وتستحق التوتر..
بصوا..
لو جالك عيان old age ومعاه ضغط عالى وسمعت ال heart لقيت عليه  isolated aortic regurge يبقى ده اعتبره 
aortic dissection till proved otherwise
يعنى ايه؟؟
لو عيان فوق 55-60 وضغطه عالى وعليه AR بسيس مفيش حاجة تانية..لا ميترال ولا حتى
aortic stenosis
يبقى نعتبره aortic dissection
غالبا العيانين دول مش بيلحقوا يوصلوا وبيموتوا وقت حدوث ال dissection 90%% منهم.. و10% بس بيكملوا

بس لو جالك. ..
نعرفه ازاى recent or old dissection؟
لو بيشتكى فى ألم فى ضهره من تحت وصدره من قدام وورا أو ناحية منهم يبقى recent.
ولو مش بيشتكى بس الضغط عالى وانت سامع ال murmer يبقى غالبا old aortic dissection
طيب..ده تعمل معاه ايييه؟ ؟
تديله قرص betablocker أى حاجة عندك وطلعه الرعايةفورااااا...هم يتصرفوا معاه. 
اوعى اوعى اوعى اوعى اوعى تلعب مع العيان..
اوعى شيطانك يوزك وتقول هوطى الضغط...مالكش دعوة بيه. .عندك قرص ال BBBيبقى شكرااا ..مفيش طلعه الرعاية من سكات الله يكرمك.
ربنا يستر 😐
جالى عيان مرة نفس الpicture دى وحد من الشباب شافه وقال MI وكان هيدى SKK بس ربنا ستر..انا ماكنتش مطمنة ل lower back pain ال عنده ..بعته فى وقتها يعمل Urgent CTangeiography with contrast 
طلع فعلا acute aortic dissectionوكانت حاجة رهيبة جداااا. .
طبعا كل كلامنا ازاى تشخص clinicall علشان لو حد قارى شوية مايقولش ان بنقول معلومات ناقصة..

HTN**

معلومة فى كبسولة..

اى عيان جالك يقيس الضغط لأول مرة -أول مرة أنت تقيس له مش اول مرة هو يقيس ضغطه😏 - لقيت الضغط عالى. ..لف وقيس من ايده التانية !

لازما و حتما وضرووورى.....

وبالذات بالذات لو شاب صغير..

ليه بقى؟؟

لأن ممكن الضغط العالى فى السن الصغير ده يكون سببه

coarctation of aorta😢😢😢

ولو مش بتقيس من الناحيتين هتضيع عليه وعليك وعلينا كلنا فرصة إننا نعرف أنه  coarctation ونعالجه😱

طلع زى الايد التانية..تمام..كمل بقى على أنه ضغط مرتفع وشق طريقك..

لقيت فيه فرق فى القياس..تبقى مشكلة..

والفرق ده اد ايه؟؟

اكتر من.. 10 فوق و / او تحت يبقى coarctation

يعنى دراع 150/90 مثلا... والدراع التانى 130/80 مثلا..

وفى السن الكبير نفس الحكاية بردو..

بس ده ممكن يكون عنده مصيبة اسمها

aortic dissection

وطبعا مش هيجيلك فى ال acute stage بتاعه..لأن اكتر من 90% من عيانين ال  aortic dissection بيموتوا فى ساعتها...ال هيجيلك ده هيكون قديم.

وهتلاقى معاه فرق فى الضغط بين الادين والرجلين.

وماتنساش تقيس الناحيتين فى السن الكبير...بيتظلموا والله...

HTN-CONTRACEPTION

معلومة فى كبسولة..
اى سيدة عندها ضغط مرتفع  ومحتاجة وسائل منع حمل ابعد تماما عن الحبوب والكبسولة ال بتزرع فى الدراع والحقن. 
تركب لوب أفضل حاجة.
 هذا فيما يخص الوسائل النسائية.

HTN

العيان جاى يشتكى بصداع...

قمنا فحصناه ..

قيسنا الضغط طلع 170/100

نكمل أسئلة. .

عندك وجع فى اى مكان فى جسمك؟؟

عندك زغللة؟؟

عاوز ترجع أو رجعت؟؟

اكلت ملح او مخلل-الناس بيعتبروا المخلل مش ملح على فكرة..

شربت حاجةساقعة-بيبسى كولا فانتا سفن أب. ..دى مليااانة صوديوم بايكارب وهى ال بتفور لماترج الازازة وبتعلى الضغط جدااا -معلومة محدش كتير يعرفها.

وبعدين...

نعمل رسم قلب...

لازم اى عيان ضغطه عالى أو واطى تعمل رسم قلب....اتفقنا؟؟

طلع كويس هنكمل فى الإستقبال. .

طلع فيه مشكلة على العناية على طووول.

*مهم رسم القلب *

ونكمل....

رسم القلب كويس...

ندى للعيان حاجة تنزل ضغطه..

ومش لازكس يا جماعة. .دى غلطةكتير قوى قوى قوى بيعملوها وممكن تضرالغيان ..دى هنعملها بوست لوحدها..

ومش هندى كبسولة ابيلات ونفتحها تحت اللسان..هتلاقوا اخصاءيين الباطنةالقدام أو نواب الباطنةبيعملوا كده...اوعى اوعى اوعى...ممكن العيان يطب ساكت منك حرفيا...هتلاقيه اترمى على الأرض بالذات لومريض ضغط حديث..بلااااش الابيلات. .

هندى ايه؟؟

كابوتن 25 مللى ____ وله اسم تانى كابتوبريل 25

بس مش القرص كله زى مابعضكم قال ولا قرصين زى ما ناس قالت...

بندى ربع القرص ال 25 تحت لسان العيان

ربع القرص بس...

وتنتظر ربع ساعة...

فك..ماااشى...

لسه ضغطه عالى ...

تدى ربع كمان...

وتقعده فى ملاحظةالاستقبال على أكسجين كده خفيف 3-5ليتر

فك..مااااشى

لسه. ...أدى ربع كمان..

ونستنى بردو ربع ساعة..

يبقى كده تلات أرباع القرص 3/4 متقسم على 3/4 ساعة..

فك....ماااشى...

مفكش طلعه العناية او الباطنة لو مفيش مكان عناية وهم يكملوا...

ولو انت ال فوق كلم سنيور يقولك هتكمل ازاى. .

اوووك؟______الكلام ده خطير جدا يا جماعة وياما شوفنا مصايب منه..

لو أديت قرص أو قرصين تحت اللسان هيحصل حاجة من أتنين...

العيان هيطب ساكت قدامك..

او....

ضغطه هيتظبط فهتفرح وتروحه البيت. .

اول مايوصل البيت ضغطه هيوطى فجأة وممكن جدا لا قدر الله يرجعلك ب stroke وهتبقى انت السبب فيها مش الضغط العالى..وشفتها للأسف بسبب بعض الزملاء...حرااااام

اوووك. .

فك العيان وتمام...

تقوله ياحاج ضغطك كان عالى والحمد لله ربنا ستر وظبطناه..

لوسمحت ممنوع الحوادق والمخلل-المخلل لوحده علشان هو مش مقتنع ان تبع الحوادق- والخاجةالساقعة..هيقولك بس البيضا مابترفعش الضغط-هوتفكيرالشعب المصرى كده-قوله البيضا والسودة وأى لون ممنوعة..

وحضرتك هتجيب الدوا ده تاخد حباية قبل الاكل تلات بساعة مرات فى اليوم

كابوتن 25 ...وتروح تاخد منها حب اية أول ماتوصل البيت...بس ياحاج ده مش كل علاجك ده مؤقتا بس لحد ماتيجى عيادةالباطنةالصبح.

ونروح محوله على عيادة الباطنة. .

.............

طيب لو لقيت بقى العيان مدروخ كده اوكلامه تقيل أو قالك جالى زى شلل مؤقت فى دراعى ورجلى وفك او عنيه حمرااا قوى...ابعته يعمل CT حالا واحجزه حتى لو ال CT normal

اوعى تمشيه. .وممكن تحجزه باطنة ويتابعوه.

.......

ده ال بتعمله فييين؟؟؟

فى الاسنقباااال...

انت قاعد فى الاستقبال..

بتشوف العيان فى الاستقبال...

احنا كده عملنا إسعافات أولية الحالة...

مش عالجنا العيان. ...

فاهم الفرق؟؟

.........

انت فى الاستقبال...

مطلوب تسعف المريض مش تعالجه. .

العلاج فى القسم أو العيادة...

.....

حد سمعنى جبت سيرة aspirin? ??

حد سمعنى جبت سيرة plavix? ?

لا لا لا لا لا لا لا لا لا .......

جريمة نكراء شنعاء انك تدى عيان ضغطه عالى مسيلات دم...

كارثة...

ممكن تجبله نزيف فى المخ فى لحظة.

حد هيقولى بتوع العنايةبيعملوا كده سواءا CCU أو ICU😕

هقوله. ..

بتوع العناية...بتوع ايييه- العنااااية

لأن العيان اتحجز خلاص يعنى هم شايفين وعارفين إنه حالة حرجة..

وكمان العيان فى المستشفى مش هيروح بيتهم. ..

بتوع العناية عندهم فوق حاجة اسمها ترايديل أو صوديوم نيتروبروسايد

انت عندك ده فى الاستقبال؟

لااااااا

........

افتكر ان انت فى الاستقبال

.........

وبعدين حتى لو انت ال فى العناية..

انت لسه جونيور..

عارف يعنى ايه جونيور😠

ايووووه...

HTN&LSAIX

مريض ضغطه عالى فى الاستقبال مسموح تدى لازكس وريد علشان تنزل الضغط ام لا؟؟ ولومسموح الجرعة ايه؟ ولو مش مسموح ..ليه؟

..........

انطلقوا...

البوست ده هسيبه كتير للمناقشة_________________

تعديل البوست 29/5/2017

الإجابة لأن البوست ده مهم جدااااا لذلك تركناه فترة طويلة...

لو عندك عيان ضغطه عالى

lasix is NOT a treatment of hypertention...

اللازكس مش علاج للضغط يا جماعة. .

ال بيحصل ان الناس بتملا العيان لازكس علشان ينزل ضغطه ومش بينزل..ده  malpractice خطير وفظيع وتتوارثه الأجيال بدون وعى ..ومع أنه حتجةفاشلةبس الكل بيعملها. .ومش مكتوب فى اى كتاب وكله بي عمله بردووو. .

ده غلط جداااا. .

Lasix is mainly a vasodilator drug...with very weak arterio-dilator effect.

-  hypertention is a disease of vasoconstriction of arteries and arterioles....!

يبقى حضرتك لما تعبى العيان لازكس عمره ماهيستفيد. ..

حد هي قول بس إحنا بنديه وبينزل الضغط...

معاك بينزل علشان ال

venodilator effect

وده short rapid effect

بعد ربع ساعة لنص ساعة لوقست ضغط العيان هتلاقيه رجع عالى تانى.

غير كده ...ال

lasix is a potent diuretic drug

هيخلى العيان يجيب بول كتير وبسرعة..كده انت بتقلل جدا وبطريقةمفاجأة ال

intravascular fluid compartment

يعنى بتقلل ال  volume of blood and pressure of blood suddenly inside the large & medium sized arteries.

فى الحالة دى ال arteriess بتاعة العيان مش بتفهم ان ده بينزل على شكل بول. .هى بتفهم ان حجم وضغط السائل داخلها قل فجأة فبتعتقد أنه نزيف. .فتكون النتيجة

sudden severe vasoconstriction as a compensatory mechanism to sudden intravascular fluid volume drop.

وتكون نتيجة ده ارتفاع شديد مفاجيء فى ضغط المريض..

وشفناها كتير جدا جدا جدااااا. .

عيان ياخد أربع حقن لازكس وريد يعنى 1600 مجم. ضغطه ينزل بعد اقل من ساعة تقيس تلاقيه ضرب فى السما....تقوم عاطى لازكس تانى. ..لحد العيان ما فعلا يتعب أو تحوله إلى

resistant persistant hypertension

ويبقى علاجه من أصعب ما يمكن. .كنت بشوفهم كتير فى عيادتى. ..وانت بتكون السبب فى ده مع طبعا إهمال المريض وأنه بياكل ملح ومش بياخد الدواء بانتظام.

ال lasix بنستخدمه مع مريض الضغط العالى فى حالتين...

اما عنده pulmonary oedema وهو قدامك. .جايلك بيها...

او عنده generalized oedema لأى سبب بقى وهتعالجها بالمرة وانت بتعالج الضغط المرتفع.

قولنا يا جماعة اهووووو...أرجوكم. .بلاش جردل اللازكس ال الناس بتديه للعيان. .خطر جدا...

يا رب تاخدوا بالكم وتصلحوا الأخطاء دى ويبقى على اديكم نهاية هذة الاسطورة السيئة ان شاء الله .