TRANSFUSION-2

صباح الخير..مساء النووور 
نقل الدم--2

خلصنا كده الدم؟
لاااااا. ..لسه...
باقيلنا ال plasma..
ال plasma هى عبارة عن الدم بس من غير ال RBCs...
وكل الكلام ال قولناه فى تكنيك النقل فووق ينطبق على البلازما بخذافيره. .
بس فيه نقطة...
كيس البلازما بيبقى اصغر شوية.. عادة 300 مل. .او أقل شوية.
وحاجة مهمة قوى قوى قوى قوى قوى..
البلازما مش بتتحفظ فى تلاجة القسم ولا فى تلاجة الدم ال فى المعمل. .
البلازما ليها تلاجة مخصوص..
ايووووة مخصووووص..
الرفوف بتاعتها بتكون هزازة. .يعنى بتتحرك حركة جانبية خفيفة من اليمين للشمال أو من قدام لورا..
ليييييه؟؟
لأن البلازما بتبقى فيها تركيز عالى من الصفائح الدموية...ال platelets
 لو سبتها ساكنة شوية الصفائح دى هتلزق فى بعضها وتعمل زى جلطة ..وطبعا بتبقى جلطات صغيرة جداااا ممكن إحنا مش هنشوفها بس هتخرب بيت العيان لو دخلت جسمه لأنها هتقفل أى blood vessle صغير تدخله وتجيب حاجة للعيان شبه المرض ال انتوا عارفينه ال اسمه DIC

يبقى لو حضرتك ناوى تنقل بلازما لعيان لازم تبقى عارف ان المعمل فى المكان ال أنت فيه فيه تلاجةبلازما أو لا ..
ولو مفيش ..تجيب على اد ماهتحتاج النهاردة بسسسس. .
 مش تجيب عشر أكياس تدى العيان منهم أربعة والستة الباقيين يبوظوا وترميهم. .لاااا. .حرام عليك...فيه عيان غيره محتاجهم النهاردة.
لو مفيش تلاجة اطلب اليوم بيومه. 
طيب...
نقطة مهمة...
 فيه اختراع كده ما أنزل الله به من سلطان...ناس تحب تدفى البلازما فتجيب طبق أو حاجة كبيرة فيها مية سخنة وتنزل فيها اكياس البلازما علشان تدفيها...طبعا انت عارف ايه ال حصل كده...البلازما كده اتسلقت. 
 هتقولى فيه ناس كتير من التمريض بيعملوا كده ومفيش مشاكل...هقولك هى عارفة درجة الحرارة ال تستخدمها من غير ماتضر البلازما...انما انت لوقولت لأهل العيان اعملوا كده هتبقى بتديله بيضة مسلوقة وريد😂😂😂
 البلازما لو مجمدة تخليها بره الثلاجة فى درجة حرارة الغرفة لحد ماتفك وتبقى فى درجةحرارة الغرفة بردو.
 والدم كذلك

آخر حاجة فى الجزء ده...
البلازما مش كلها زى بعضها..
البلازما انوااااع..
فيه fresh plasma 
Fresh frozen plasma 
Frozen plasma
Cryo plasma
بيختلفوا فى ايه؟؟
اهم حاجةبيختلفوا فيها هى محتواهم من ال plasma proteins.
وايه هى ال plasma proteins دى..
دى هى بإختصار ال 
co-agulation factors
عوامل التجلط. 
طبعا ال fresh plasma احسنهم لأنها فيها كل حاجة...لسه fresh بس مش هتلاقيها غالبا.
ال fresh frozen plasma
يبقى فيها بعض الfactors ناقصة
ال frozen plasma بيكون تقريبا فيها 2 factors بس..
فأنت لو عاوز تدى لعيانك
clotting factors
عيان بينزف لأى سبب..اديله fresh plasma or fresh frozen plasma
ولو عاوز تدى للعيان volume ومعاه شوية platelets 
وده بنحتاجه فى حالات ال 
trauma &accidents
اكتر...يبقى أدى frozen plasma
لحد العيان ما يدخل العمليات..ده مع الدم طبعا.
طيب ايه بقى ال cryoplasma دى؟
دى بقى خلاااصة ال
co-agulation factors
 اغلبهم متجمعين من بعض وممنزوع منهم السوائل. .ودول بنحتاجهم لوعيان بينزف نزف شديد وممنوع تديله volume كبير. .زى فكرة ال packed RBCs كده...دول الخلاصة يعنى.

TRANSFUSION1

نقل الدم - 1
Ibrahem A Fekry
نعرف حاجة..
الدم 
فيه منه نوعين..
Whole blood & packed RBCs 
ال whole blood ده دم كامل..بكل مشتملاته .
وده بيكون محفوظ فى كيس الدم أو بيسموه قربة الدم .
ومنه حجمين. .حجم كبير وده بيكون 500 مل. .
وحجم صغير بيكون 350 مل تقريبا.
ال packed RBCs 
يسموه الدم المجمع أو كرات الدم المجمعة .
وده بيكون RBCs بس مفهوش سوائل الا طبعا جزء صغير يحافظ على ال RBCs. 
والقربة أو الكيس بيكون صغير حوالى 300 مل. 
ملحوظة صغيرة بس مهمة...
الدم بيتحفظ فى تلاجة الدم فى المعمل مش فى تلاجة القسم فوق عندك.
ومدة حفظ الدم حوالى 21 يوم بعدها بيعدم لو محدش استخدمه.
ملحوظة كمان...
مفيش حاجة اسمها بنوصل خرطوم من إيد العيان ده لايد ده وننقل الدم..
لا طبعا مكنش حد غلب !!
 الدم ال بيتبرع بيه الناس ببتم تعبئته فى القرب دى أثناء السحب وبتكون معقمة والضغط داخلها سالب علشان سهولة السحب وبيتم الكشف عليه كل الأمراض المسجلة قبل اعطاؤه للمريض وأى دم فيه مشكلة بيعدم فورا وده حقيقى. 
شغل الأفلام العربى ده مش بيحصل.
حاجة بس مهمة..
 لو انت طالع حملة تبرع بالدم ولقيت الكيس اوالقربة منتفخ بلاش نستخدمه لأنه كده مقطوع وتعقيمه بايظ 
موضوع الضغط السالب جوه الكيس ده مهم جداااا. 
حاجة كمان صغيرة...
 الدم بيتعطى بجهاز وريد مخصوص للدم اسمه جهاز نقل دم...ميزته أن الفلتر ال بيعدى الدم خلاله للابرة ثم دراع العيان بيكون واسع علشان يعدى كرات الدم لأن حجمها كبير..
وال منكم شافه هيلاقى ان قطر الانبوبة فيه أوسع وقطر المستودع أوسع من جهاز الوريد العادي. .
بنقول الكلام ده ليه؟؟
علشان فيه ناس بتخترع وتدى الدم بجهاز الوريد العادى...
 ويفضلوا يعذبوا نفسهم والعيان معاهم والدم ال مفروض يتنقل فى ساعة بيتنقل فى أربعة ويفضلوا يشكوا العيان ويركبوا عشرين كانيولا علشان الدم مش راضى يمشى وهو مش بيمشى لأن ال pores ال فى الفلتر ضيقة 😒
وده بيترتب عليه تكسير ال RBCs وهى نازلة من الفلتر وتبقى حاجة غلط جدا.
كلمة تانية مهمة...
بالله عليك لو ناوى تنقل دم لعيان ركب 
Wide pore canula 
كانيولا كبيرة..
ال هى الخضراء لوهتنقل لحد كبير والزرقاء أو البمبى لوهتنقل لطفل.
 واختار وريد كبير تركب فيه الكانيولا ولو انت مش عارف البنات معانا فى التمريض ممتازين ماشاء الله فى الحاجات دى..ودى شغلتها وهم كلهم بيعملوها كويس جدااا. .مفيش داعى نقطع دراع العيان .
وتختار وريد كبير علشان مش كل شوية يقفل ونغير فى نقل كيس واحد تلات كانيولات مثلا.
كلمة أخيرة هنا...
لو عملت كل ده والدم وقف يبقى غير الكانيولا لأنها اتقفلت. 
وشرط وانت بتنقل دم لعيان بلاش تثنى الوريد ال بتنقل فيه..خلى ايد العيان مفرودة.
ده التكنيك والاحتياطات لما تحب تنقل دم..
هنضيف عليها أن الدم لازم لازم يكون بدرجة حرارة الغرفة..
 ماينفعش تدى أى حجم من الدم يكون بارد عن درجة حرارة الغرفة ..فيه ناس الدم يدوب يسيح يبدأوا ينقلوا..
غلط جدااا. .
ممكن فعلا تموت العيان من ال hypothermia.
حاجة كمان...
الدم زيه زى اى بروتين غريب يدخل الجسم ممكن جداااا يعمل allergy
وممكن تبقى severe
علشان كده دايما جنب العيان ال بتنقله دم معاك antihistaminic &dexamethazone 
& adrenaline amp.
حاجة مضادة للحساسية وديكساميثازون
وادرينالين بسىالادرينالين فى الscock بس بس بس لو لاقدر الله حصلت.
لو فيه علامات حساسية وقف الدم وادى فورا لحد العيان مايفك منها وترجع بعدها الدم بس ب  rate أقل. 
ايه هى علامات الحساسية. .
 رعشة شديدة وعرق غزير واحمرار شديد مفاجيء فى الدراع كله ثم ينتشر بسرعة لباقى الجسم حسب درجةالحساسية عند المريض.
وممكن المريض يدوخ ويفقد الوعى والحساسية جامدة ويحصله 
لا قدر الله anaphylactic shock
توقف النقل فورا.
والحساسية مش بتحصل من ال 
Incompatable blood transfusion
بس..لااااااا....ممكن تحصل حتى لو 
Compatable blood transfusion.
 فيه ناس بتحب تدى مضادالخساسية وامبول ديكساميثازون قبل النقل مباشرة وإنا منهم الصراحة بس دى 
Evidence IIb 
وناس تقول evidence C
يعنى مش recommendation عالية انك تعمل كده...يفضل تستنى لو حصلت الحساسية ندى..
بس على الأقل وانتوا فى الأول كده ابدأوا بالحقن دى وريد قبل النقل. 
Avil + dexamethasone
 من كل واحدة امبول.

باقى نقول حاجة..
امتى ندى whole blood
وامتى packedRBCs؟
لوعيانك نزيف بس معندوش أى oedema فى جسمه..مش مورم يعنى
ولو معندوش heart failure
أدى whole blood 
لكن لو عنده حاجة من الاتنين دول أدى 
Packed RBCs. 
طيب..هندى أد ايه؟؟ كام وحدة أو كام كيس؟؟
هقولك ان كل كيس دم بيرفع ال Hb
1 بس...
يعنى ايه؟
لو عيانك ال Hb تسعة يبقى تديه كيس هيطلع 9.7-10 حسب عمر الدم...مسحوب من أمتى يعنى.
يبقى علشان تصلح ست مثلا ال Hb بتاعها 9 انت محتاج توصلها ل 12 على الأقل يبقى محتاج 3 أكياس دم.
وكيس ال packed RBCs ليرفع شوية اكتر من ال whole blood.
باقى نقول حاجة..
امتى ندى whole blood
وامتى packedRBCs؟
لوعيانك نزيف بس معندوش أى oedema فى جسمه..مش مورم يعنى
ولو معندوش heart failure
أدى whole blood 
لكن لو عنده حاجة من الاتنين دول أدى 
Packed RBCs. 
طيب..هندى أد ايه؟؟ كام وحدة أو كام كيس؟؟
هقولك ان كل كيس دم بيرفع ال Hb
1 بس...
يعنى ايه؟
لو عيانك ال Hb تسعة يبقى تديه كيس هيطلع 9.7-10 حسب عمر الدم...مسحوب من أمتى يعنى.
يبقى علشان تصلح ست مثلا ال Hb بتاعها 9 انت محتاج توصلها ل 12 على الأقل يبقى محتاج 3 أكياس دم.
وكيس ال packed RBCs ليرفع شوية اكتر من ال whole blood.

TRANSFUSION-3

نقل الدم-3

#ECG_2016_wafaa_ammar

خلصنا؟؟

لسسسسسه...

باقي لنا ال platelets

الصفائح الدموية...

الplatelets بقى هتلاقيها فى كل حتة تقريبا..

فى ال whole blood

فى ال fresh plasma

فى ال fresh frozen plasma

بس مشكلتها أن عمرها قصير حوالى 7-100 يوم..فتبقى عارف او الدم بتاعك داخل فى تلات أسابيع هتبقى نسبة ال platelets فيه صغيرة.

عملوا كمان حاجة اسمها

platelets units

وحدات صفائح. .ويسموها..وحدات صفائح مجمعة..ودى ناس كتير مش عارفينها. .

الصفائح المجمعة دى بيبقى شكلها أصفر زى البلازما بالظبط..بس القربة أصغر شوية تقريبا  200 مل على ما أتذكر ولونها أصفر غامق شوية عن البلازما يميل للبرتقالى.

الصفائح المجمعة دى نستخدمها لوعيان مثلا thrompocytopinic ..عنده نقص صفائح دموية..

عيان نقلتله دم وظبطت ال Hb بس لسه عنده نزف خفيف..اديله قربة بالكتير اتنين..

ويفضل تدى قربة واحدة معاها وحدتين cryoplasma.

الصفائح مش بتتعطى خمس وحدات دى البلازما مثلا..لااااا. .تجلط العيان كله..

كلمتين نقفل بيهم...

نقل الدم الكتير مرة واحدة يضر المريض

يعنى او عندك عيان Hb بتاعه 6-7عاوز تصلحه...هيحتاج تقريبا سبع وحدات.لو جبته  عندك المستشفى ونقلتله السبع وحدات فى يوم حتى لو packed RBCs يعنى volume صغير مش كبير أنت كده هتضر العيان..ليه؟؟

لأن هيحصل reactionعنيف من النقل ده ينتج عنه haemolysis وتتكسر ال RBCss ال أنت اديتها. .ولما تتكسر تدخل العيان فى hyperbillirubinaemia

يعنى صفراااء...

وممكن severe allergy

فمش لازم تعمل كده.

هتنقل كميات كبيرة بس لوعيانك بينزف والنزف مش بيقف أو فى عمليةكبيرة وبينزف  intra-operative

نقول حاجة للأمانة. .

الدم بيتحفظ فى مادة حمضية اسمها citrates  المادة دى لما تدى الدم للعيان ممكن تزود حموضة الدم..يعنى ..

تقلل ال PH فلو أنت عيانك أصلا acidoticc لأى سبب تبقى عارف ان نقل الدم هيزود ال acidosis شوية ..وطبعا ربنا يخليلنا ال sodiumbicarb.

هتصلح الموضوع ده ان شاء الله.

كلمة أخيرة. ..

الدم ال أنت بتطلبه لعيان لازم تتأكد من تاريخ صلاحيته على الكيس بنفسك.

والفصيلة أنها مطابقة لعيانك بنفسك..

بقووول بنفسك اهوووووو...

وان اتعمل تحليل ال Rh والنتيجة اتكتبت على الكيس.

وان اسم عيانك والقسم التابع له باطنة جراحة رعاية مركزة مدون على الكيس.

الخمس معلومات دوووول لازم لازم لازم تشوفهم بنفسك على الكيس. .

لان ممكن دم اتنين عيانين يتلخبط فى بعض والمعمل بيسلمهم.

ممكن البنات وهم بيعلقوا الدم تاخد غصب عنها كيس من عيان وكيس من عيان تانى. .

ممكن اتنين عيانين نفس الاسم بالظبط بس ده جراحة وده باطنة. .بتحصل.

ممكن عملك الفصيلة وكله تمام ونسى ال Rh ..

ارجوكم الحاجات دى متعلقة فى رقبتك لأن ال

incompatable blood transfusion = death.

لو عيانك اخد دم مش بتاعه هيموت ومش هتلحقه. .

اول ما الدم الغلط يدخل الجسم بيتجلط فوراااااا...تخيل بقى انك اديت للعيان 2000 مل بس مش بتوعه...هيروح منك فى ربع ساعة بالظبط.

اااخر ااخر حاجة...

وانت بتنقل دم أو أى من مشتقاته. .

بلاش ال rate السريع لسببين..

اولا تدى نفسك فرصة لوحصلت allergy لا قدر الله تلحقها.

تانى حاجة ال rate السريع بيخلى فيه احتكاك بين ال RBCs  والوريد ال أنت بتنقل فيه الدم..الاحتكاك ده بيكسر ال RBCs وممكن يعملك minute thrombi العيان فى غنى عنها.

نختم بكلمة مهمة..

كيس الدم ال أنت طلبته لعيان واتفحص علشانه واتكتب عليه اسمه..لو رجع بنك الدم تانى غالبا غالبا بيتعدم وبيعتبروه دم تالف حتى لو محدش لمس الكيس ولو رجعته بعد مااخدته بساعة واحدة.

فمن فضلك...كيس الدم ده بيساوى حياة بنى آدم. ..لو عاوزه لعيانك أطلبه...مش عاوزه بلاش..لانه ممكن يترمى ويموت قدامه شخص آخر.

الصورة فيها قربة platelets علشان تعرفوا لونها.

وغالبا كل قربة بتكون محتوية محتوية على 6 وحدات صفائح مجمعة. .

بالتوفيق يا شباب… 👍

Ibrahem A Fekry

TRANSFUSION-4

نقل الدم -4

ملحوظات مهمة...

#ECG_2016_wafaa_ammar

ملحوظة مهمة..

لو انت طالع حملة تبرع بالدم..

مين مش مفروض يتبرع؟؟

اى حد مريض بمرض مزمن زى فيرس سى -فشل كبدى-فشل كلوى -ضعف فى عضلة القلب-ضغط مرتفع.

كل دول ممنوع التبرع.

حد ضغطه على ال low-normal side زى حالاتى كده 90/60-100/60-100/70

ممنوع يتبرعوا.

واحدة ست حامل-بترضع - menstruatingg وقت التبرع ممنوع تتبرع. .ولو جايلك واحدة ست تتبرع ممكن هى ماتكونش عارفة فأنت لوسمحت أسألها انتى حامل أو بترضعى أو عندك الآن menthes لو قالتلك أيوة يبقى ممنووووع تتبرع.

مش تيجى بقى تقولك لاااا اناحامل بس صحتى بمب وبشيل أنبوبة البوتاجاز على راسى. .وانت تلاقيها ضخمة كده فتقول ماشى...وانت طبعا عاوز تجيب تبرعات كتير...تقوم ساحب منها الدم..لو عملت كده بتعرضها هى وجنينها للخطر..وطبعا الموضوع ينطبق على باقى الحالات.

لو حد عنده ضيق صمامات أى صمام أو ارتجاع بأى درجة ممنوع يتبرع.

وطبعا الانيميا. .ده هنديله مش هناخد منه. .يقولك ابويا ابنى بنتى..ممنووووع منعا باتا..ولوسحبت منه يبقى حرام عليك لأن دمه هيترمى أصلا!

النقطة النهائية التى تحير العقووول. .

اى إنسان يفقد أقل من 1/2 ليتر من دمه ده اسمه mild to moderate bleedingg بيحددوها ب 200 مل. .

اقل من 200 مل يبقى mild bleeding

من 200-500 مل يبقى

Moderate bleeding.

اكتر من 500 مل وحتى 1000 مل

يبقى severe bleeding

اكتر من 1000 مل

يبقى comparable for death

هيموووت غالبا...والله الشافى.

ال Hb

اقل من 5 يبقى

compatable for death

من 5-7يبقى severe anaemia

من 8-10 يبقى  moderate anaemia

ال normal

Females=12-14gm/dl

Males=14-16gm/dl

Children= up to 17 gm/dl

اى حد عارف معلومة فى الأرقام أحدث من كده يقولى عليها بليييييز..

ال CBC roughly....

WBCs 4000-10000 with dominant neutrophils or segmented leucocytes.

Platelets 150-450 ألف

ال thrombocytopenia اقل من 150..

ال thrombocytosis اكتر من 450 ألف

الbleeding tendency عند 40 ألف

ال spontaneous bleeding عند 20 ألف.

ال basophils علامة الحساسية لاتزيد فى النورمال عن 2%

ال monocytes علامة الالتهاب المزمن بميكروب كبير زى ال TB لا تزيد فى النورمال عن 5-7%

لو عندك عيان severe infection

من اى نوع وعاوز تعمل CBC اطلبها

BCC with differential leucocytic count

مش CBC عادية كده.

كل المعامل بتستخدم اجهزة اليكترونية علشان تعمل ال CBCC... مشكلة الأجهزة دى أنها مش بتفرق فى العد بين ال

newly formed RBCs & platelets

لأن الاتنين بيبقوا تقريبا بنفس الحجم.

فلو لقيت عندك ال Hb normal

But RBCs count is low & platelets count is high

اعرف ان ده خطأ الجهاز مش غلط فى دم العيان..خليه يعمل CBCC بعد أسبوع هتلاقى الأرقام ظبطت..

الكلام ده مهم .

اى عيان نايم عندك فى الرعاية المركزة فترة لازم لازم تعمله follow-up CBC

كل يومين او 3 أيام بالكتير. .

لان ممكن العيان يدخل منك فى نزيف داخلى من

retroperitoneal haematoma

او يدخل فى DIC

او يدخل فى DVT من الرقدة وانت مش عارف ومش هتعرف الا بال

follow-up CBC

وده روتيييين فى الرعايات المركزة وفى الجراحات ووالله شوفتها بنفسى والناس ال اهملوا عيانينهم كتير كانوا بيدهولوا وهم مش عارفين ليه وبنعرفها لما نعمل CBC. . فقط فقططط CBC

اى عيان عملتله نقل دم لأى سبب وبالذات لو بعد جراحة أو نزف لازم بعد ماتخلص النقل تماما بساعة تعمل CBC أو على الأقل Hb...وتسحب من اليد الأخرى.

لازم يكون أعلى من قبل النقل طبعا.

بعدها بتلات ساعات تقريبا تعمل Hb تانى. .لو لقيته بينزل يبقى عيانك بينزف.

او دخل فى DIC

لقيته كويس..يبقى تمام ونعيد الصبح نفس الحال..طلع كويس يبقى زى الفل.

فيه مشكلة هتبقى بردو إما نزف او DIC

والكلام ده very common تشوفه فلازم نعمل بالظبط علشان محدش يفقد عيان.

والسلام عليكم ورحمة الله☺

Ibrahem A Fekry.....