دروس فى طب الحلات الحرجة للمبتدئين : ECG-9

بوست9 #ECG_2016_wafaa_ammar

البوست ده جرى تعديله اكتر من مرة علشان طويل والنت ضعيف...ال قراه يقراه تانى ويقول تم ب تعليق من فضلكم..................انتباااه..............

اخر بوست النهاردة علشان تناموا متفائلين. .

ازاى نحسب ال heart rate..

اولا لازم نبقى عارفين regular or irregular

ال regular يعنى منتظم

ال irregularr يعنى غير منتظم. .

ودى نعرفها ازاى؟؟

فاكرين ال R -wave ؟

احنا هناخد المسافة بين ال Rوبعضها يعنى

R-R interval

ماقولنهاش دى قبل كده😕

دى المسافة بين ال R على طول رسم القلب..

ولوفاكرين قولنا أن ال QRS complex بيمثل ال ventricular contraction .

يبقى إذن المسافة بين كل Rوالتانية هى المسافة بين كل ضربة والتانية..

لوالمسافات دى متساوية يبقى الrate ده منتظم. .

وبردو زى ما انتوا فاكرين.. المسافة دى على الورق إحنا نقدر نترجمها لزمن...ايوة طبعا..

مش قولنا أن المربع الصغير خااالص بيساوى 0.04 sec

أربعة من مية من الثانية. .

والمربع الكبير ال فيه خمس مربعات صغيرين قوى بيساوى 0.2 اتنين من عشرة من الثانية. .

وقولنا كل خمس مربعات كبار اكيد بيساوا ثانية 1 secc.

والدقيقة بتساوى 300 مربع كبير لأنها بتساوى 60 ثانية والثانيةالواحدة بخمس مربعات كبار..

يبقى لو انت قسمت الدقيقة على الزمن بين ال R-R هتعرف ال heart rate..

خلللى بالك وحول بقى الزمن لمربعات علشان ال مسافة بين ال R وآل R بالمربعات😈

يعنى...تشوف R-R تطلع كام مربع كبير وتقسم عليها 300 يطلعلك ال heart rate

ده لو regular😕😕😕

if heart beats are regular..

heart rate = 300/ R-R intervall.

هنشوف فى الصور ونرجع نقول ال irregular

لو بقى ال heart rate irregular ماينفعش تحسبه من ال ECG هتعده على ايدك فى دقيقة. .ولازم دقيقة مش اقل.

سهل ده😀

نقول ال normal range of heart rate بقى بسرعة..

normal heart rate is 60-100/minn.

يعنى الطبيعى يتراوح من 60 إلى 100 ضربة فى الظروف العادية..

يعنى والواحد قاعد كده او يتمشى براحته مش بيجرى ولا طالع سلم ولا فيه حاجةبتوجعه فى جسمه ولا سخن ولا ست حامل ...ولا طفل لأن ال normal فى الأطفال عالى شوية ممكن يوصل 150/min على حسب سن الطفل وكل مايكبر كل ما يقل ال rate ودى للأسف معلومة حتى دكاترة كتير مش عارفينها ومرة صديقةليا طبيبة لقيتهابتقولى الحقينى ابنى ضربات قلبه زيادة قوى قولتلها كام..قالتلي 130 قولتلها طبيعى فى طفل اقل من خمس او ست سنوات وبيتحرك. .هم الطبيعى بتاعهم كده.

الضربات لوزيادة بدون مجهود والواحد قاعد كده فى مكانه اكتر من 100 تبقى tachycardia

ولو بيجرى او طالع سلم عالى اكتر من تلات ادوار اكتر من 120 إلى 130 تبقى tachycardia

لو الضربات أقل من 60/min فى إنسان عادى تحت الظروف العادية يبقى bradycardia

الا لو كان رياضى..بيلعب كورة بانتظااام اوبيشيل حديد أو عامل فى البناء يعتبر كده بيرفع أثقال. .دول الطبيعى بتاعهم ممكن يوصل 40 او 45/ min ومش غلط...مادام رياضى...

ودى بردو معلومة تانية مش ناس كتير يعرفوها

واسمها physiological bradycardia

بس مش كل عيان برادى تقول رياضى..لاااا😆😆😆

خد منه history كويس لوبيمارس رياضة أو أعمال يدوية عنيفة أو لا... ماتودوناش فى داهية...البرادى مش هزار خااالص...

بس بليز علشان الشياكة فى الكلام..مش تلاقى مثلا واحد فلاح غلبان وتقوله انت بتلعب رياضة ياحاج؟؟

شكلك هيبقى غير واقعى خالص ومنفصل هن العالم وشفتها كتير من بعض الزملاء للاسف...لااا..فلاح اوعامل بسيط او شاب بيجرى هلى رزقه قوله بتشتغل شغل فيه شيل حاجات تقيلةباديك؟؟ وبلاش كلمةبتشتغل فى الفاعل دى بردو...

واحد بقى كده برفانات ونضارة شمس قوله بتلعب رياضة؟؟.....كده يعنى..خليك فاهم قوى..وده بيفرق مع العيان جدا والله..بيديله ثقة فيك. ..

الصور بتورينا كل الكلام ده...

بس فيه بقى ملحوظتين فى منتهى الخطورة...

اول حاجة...

القلب يتحمل ال tachy بس ما يتحملش ال brady

فلو لقيت عيان brady اعمل معروف أوعى تفتى. . طلعه العنايةالمركزة على طوووول...

الملحوظة التانية. ..

طول ما ال heart rate regularr انت فى أمان حتى لو كان بسرعة الحمامة..

لو irregular لازم تخاف..

فيه مصيبة سودة إسمها irregular bradycardia

يعنى غير منتظم وكمان brady لو شفت عيان كده أوعى أوعى أوعى تفتى ولا تضيع وقت.. ده تديله نص امبول اتروبين وريد بس وتدخله العناية فورا حتى لوهتشيله على كتفك...ومفيش اى حاجةتانى. .هم فوق يتصرفوا معاه..

الا بقى لو أنت ال فوق يبقى ربنا يعينك😨

موضوع هديله 500 جلكوز ومحلول وامبول امينوفللين والكلام ده يبقى انت بتقتله حرفيا...

هو نص امبول اتروبين وريد بسرعة وشكراااا...على العنايةفورا. ..

اااخر حاجة فى البوست المليان ده...

البنى آدم النايم بيحصله bradycardiaطبيعى. .ااه والله طبيعى...ممكن توصل ل 400 لو مش رياضى و 35لو رياضى. .

ماتروحش بقى تمسك ايد الحاج وهو نايم وتعد الpulsee وتصوت. ..مش مسؤولة عن ال هيحصلك ساعتها...هنسمع ضربةالقلم هنا فى الجروب😄😄😄

وااااخر حاجة بجد بقى....

ازاى اصلا نحس الpulseعلشان نعد ال rate؟

فيه فى الرسغ كده تحت الإبهام عضمة اسمها ال radialprocesss مالناش دعوة باسمها...بس دى بيمشى عليها على طووول ال radial artery مباشرة كده من غير اى حاجةفوقه الا الجلد.. تقدر تحسه هنا وتعد بس بلاش تدوس قوى علشان ماتقفلوش..يدوب كده تحسه واضح..

وبالمناسبة دى ال بنسحب منها تحليل ال ABG😉

ولو العيان مش محسوس عنده ال radial لأى سبب حس الكاروتد carotid وده تحسه ازااااى😢😢😢😢😢

تعالى بالظبط من عند angle of the mandible ايوووه الحتة البارزة فى الدقن من الجنب دى... ومشى ايدك لحد منتصف عضلة ال sternomadtoid anterior border هتلاقى الكاروتد على طووول. ..

ايوووة شطار زى ماجربتوها هل نفسكم كده دوقتى. ..

ال مجربهاش يجربها. .وآل جربها يقول حس وللا لا...

النزع الأخير فى البوست ده...

احسن مقياس لل heart rate سواءا منتظم أو غير منتظم أنك تعد فى دقيقة..

بلاش علشان خاطر ربنا السرعةبقى والانشغال من اولها.. عد فى دقيقة لحد ما ايدك ومخك ياخدوا على ايه ال normal وأيه ال regular وأيه ال itregular وأيه ال tachy وأيه ال brady.

اللهم قد بلغت اللهم فاشهد..

خامس مرة اقولكم آخر حاجة فى البوست بس هى فعلا آخر حاجة😂😂😂😂

صوت ال regularازاى وخبطته فى ايدك ازاى؟ ؟

وصوت ال itregular ازاى وخبطته فى ايدك ازاى؟

يا سلااام ودى نعرف نعملها كتابة؟؟😕

أيوة نعرف بإذن الله...

Rehular normal..

تك...تك.. .تك.. .تك

Regular tachy..

تك تك تك تك

Regular Brady..

تك. ......تك..... ...تك .......