ECG6

نبدأ النهاردة يا شباب..
اولا ..اهدافك لما تمسك رسم القلب هى..
تعرف regular or irregular
تحسب ال heart rate
تعرف فيه ischemia يعنى ضيق فى الشرين التاجى  وذبحة صدرية او جلطة فى القلب ونوعها ايه وقديمة وللا جديدة.
تعرف فيه arrythmia يعنى لخبطة فى الضربات أو لا 
العيان عنده تضخم فى القلب وللا لا..والتضخم ده تخانة فى العضلة وللا ضعف..  left ventricular hypertrophy..right ventricular hypertrophy.. left ventricular dilatatuon...left atrial dilatation... right atrial dilatation.
فيه قطع فى الضفيرة الكهربية للقلب ؟؟ طيب يمين وللا شمال؟؟  right bundle branch block or left bundle branch block?? وتتكتب RBBB..LBBB
فيه عدم توصيل لكهربة القلب؟؟ heart block ?? نوعه ودرجته 
فيه زيادة فى البوتاسيوم فى دم العيان hyperkalaemiaa ودى طبعا مميتة فى أحوال كتيرة الا لو عرفتها وصلحتها وتصليحها سهل جدااا 
فيه جلطة رءوية؟؟ pulmonary empolism 
وحاجات تانية كتيرة بس دول اهمهم بالنسبةليكم فى البداية...
طبعا مش كل ده هنعرفه النهاردة..إحنا هنحكى فيه شهر مثلا..
بس كلها حاجات مهمة وخطيرة..
وعلشان نعرفها هنبدا نعرف ايه هى ال heart beatt مكوناتها إيه....وكل جزء فيها بيدل على ايه وشكله الطبيعى ايه...
 وده سهل جدااااا وهو اساس حياتك بعد كده بإذن الله ..وده ال بيفرق دكتور شاطر من دكتور بيموت الناس.

بس نصيحة. ..مايبقاش همك على رسم القلب وتموت العيان وانت لسه بتقراه. ...بعد مانتعلم مع بعض ان شاء الله هتكونوا لسه فى البداية عاوزين قراية اكتر وتشوفوا حالات كتير.. 
اول ماتبص فى رسم القلب..شخصته ..اهلا وسهلا..
 مش عارف.... أوعى أوعى أوعى تضيع روح المريض..اسأل حد أكبر بسرعة أو إبعت العيان لحد بسرعة.

اللهم انى قد بلغت.