ABG

يا جماعة بمناسبة بوست ال ABG ال نزلناه قبل الفطار...
ABG 
 من أسخف الحاجات ال تذاكرها فى الطب..بتوع الصدرية نفسهم فاهمينها بالعافية لذلك من فضلكم بلاش تصعبوها اكتر..
الفكرة كلها قائمة على حاجتين..
الأولى. .ان زيادة ثانى أكسيد الكاربون فى الدم بتعمل حموضة فى الدم..
و ده بيحصل لو الرئة مش قادرة تغسل ثانى اكسيدالكاربون كويس..زى حالات COPD
والحاجةالتانية ان الصوديوم بيكاربونات بتعمل قلوية للدم يعنى بتعادل الحموضة..
ودى مهمة الكلى أنها تحافظ على وجود البايكارب فى الدم. .
لو الكلية لا قدر الله عدت بايكارب للبول تبقى باظت renal failure.
لو فهمت الإتنين ميكانيزم دول هتفهم موضوع ال ABG كله..
وفى النهاية أثناء الشغل كل ده بيرسى معاك على حاجتين..
لو العيان acidosis 
اديله بايكارب لحد مايتصلح.
وتصلح معاك السبب. .
يعنى تعالج COPD أو ال asthma الموجودة حاليا.
ولو septic تعالج بمضاد حيوى طبقا للمزرعة وتدى بايكارب بردو..عادى..
وعيانين ال acidosis مش بياخدوا محاليل رينجر..
تمام؟
ولو DKA تعالجها بردو عادى..وفيه ناس بتقول هنا مش هتدى بايكارب..ماااشى..
الحالات الصعبة ال مش بتستجيب هتحطها على ventillator  مش علشان تريح نفسك..لااااا. .علشان ده علاجهم.

تيجى بقى ل alkalosis. .
عيان ال alkalisis خطير جدااا مش بيتحمل. .
لو شوفته بتعمل بوتاسيوم بالدم غالبا هتلاقيه منخفض
وتعمل رسم قلب.
وتخلى العيان يتنفس فى كيس بلاستيك مقفول على النفس يعنى ياخد منه ويطلع فيه.
وده تديله رينجر لاكتات واسيتات. 
ولو مش بيتحسن خلال ربع ساعة..فنتليتور على طووول.
بس كده....