ECG12

بوست 12

#ECG_2016_wafaa_ammar

آخر حاجة فى مبادىء رسم القلب وبعدها نبدأ شرح ال IHD أو ischaemic heart diseasee.

هنعرف فى البوست ده حاجتين..

الأولى. ..ليه شكل QRScomplex بيتغير من lead لآخر

والتانية..axis of the heart

.......

ليه QRS بيتغير. ..مرة تلاقى ال R طويلة ومرة قصيرة ومرة سنة كده صغيرة...و دايما ال  S عكس ال R لو R طويلة تبقى S قصيرة والعكس ..بصوا على الصورة تحت ________👇👇👇👇👇👇👇👇___________

الفكرة ياجماعة ان رسم القلب ده بيقيس الكهربا الخارجة من ال apex of the heart .. بطريقة ما مالناش دعوة بيها..

بس لازم نعرف أن الكهربا دى وبيسموها electrical dischargee بتطلع من نقطة فى القلب اسمها SAN اختصار كلمة sino-atrial node ودى موجودة فى ال right atrium ال هو جزء من ال base of the heart

يا سلاااام بقى ال right atrium جزء من ال base of the heart??😮😮😮

ايووووه...

وال base هنا مش هى ال فى دماغك.. مش ال heart مريح بيها على المعدة...اطلاااقا....ال  base دى هى ال heart مريح بيها ورااا ناحيةالعمود الفقرى. .. اااه والله

لأن ال heart مش قاعد مرتاح كده على الحجاب الحاجز. .. لاااااا

ال heartt شكله مخروطى.. يعنى شبه القرطاس كده قاعدة القرطاس ده العريضة ناحية ورا وحادفة شوية يمين..مش فى النص بالظبط..لا..يمين..

و بوز القرطاس ال هو هنا apex of the heart نازلة بميل ناحيةالشمال. ..يعنى كأن ال  heart وضعه ازاى جوه جسمك؟؟ كأنه زى السهم ماشى من ايدك اليمين ومايل لتحت رايح ناحية رجلك الشمال بينما يعبر خط منتصف جسمك ال هو العمود الفقرى😀

ياااادى اليوووم ال مش فايت😢😢😢

الكلام ده معناه ايه؟؟

معناه ..... زى الصورة ال تحت دى كده بالظبط..

اسهلهالك اكتر.. عارف لما تلبس شنطة كروس هو نفس الاتجاه ده... من دراعك اليمين لرجلك الشمال والحزام يعبر خط المنتصف بميل😀

طيب والكلام ده لازمته ايه؟؟

لازمته انك لما بتحط ال leads على ال chest علشان تعمل رسم قلب بتحط leadd واحد بس ناحيةاليمين ال هو V1 ...وبتحط V2 قدامه على الناحيةالتانية شمال وبتكمل زى ماعرفنا قبل كده ونفتكر أننا كنا بنحط V4 على ال apex بالظبط...

طيب..مبدئيا كده V1&V2 موقعهم أعلى من V4 ومن باقى ال leads. ..

وهم واقعيا فى عكس اتجاه ال apex ايوه طبعا لأن V1 مكانه اصلا يمين وال apexx نفسها شمال..يبقى عكسها طبعا...مهمة الحتة دى👉

...شايفاك ياللى بتعيط هناك..😢😢😢

معنى كده ايه؟؟

معناه ان الكهربا الطالعه من ال apexمتجهة ناحية شمال لتحت. .

طيب وده فايدته ايه يعنى؟؟

فايدته ان لما الleads تيجى تسجل الكهربا دى بترسم أى كهربا رايحة ناحية تحت وشمال على أنها تيار قوى..

وطبيعى يبقى اى حاجة معاكسةلاتجاه ال apex الكهربا بتاعتها تترسم ضعيفة...

وبما أن رسم القلب اساس وظيفته يرسم كهربة ال left ventricle وال left ventriclee ده جواه ال apexال هى اكتر نقطة بتنقبض فى القلب وبالتالى اكتر نقطة بتعمل رسم و لو تفتكروا قبل كده قولنا ان R-wave هى ال بتمثل ال contractiom فيبقى منطقى جدا ان ال leads القريبة من ال apex ترسم R طويلة وال leads البعيدة عن ال apex ترسم R صغيرة😀😀😀

اظن كده وضحت الرؤية...

ايوووه. ..شيفاكم وانتوا بتبتسموا اهوووو...😉

ده معناه ان ال R فى V1-V2 هتبقى صغيرة يدوب حاجة كده بسيطة...

وفى V4هتبقى أطول R فى رسم القلب كله لأنها على ال apexx شخصيااا. .

طيب و V3 هتبقى بين البينين مش قصيرة خالص ولا طويلة يعنى تبقى باينة كويسة بس أقصر من V4

طيب و V5-V6 هتبقى أقصر من V4 طبعا لأنه لوتفتكروا قولنا أن V6 دى mid- axcillary

هى فيين وآل apex فيييين. ..طيبب ليه ماطلعتش قصيرة زى V1-V2 ؟؟😮

علشان ماشية فى نفس اتجاه ال apex ينوبها من الحب جانب ...إنما V1-V22 فى عكس الاتجاه فيبقوا أقصر R

هاااااااااااا فهمتوا ليه طول ال R مختلف؟؟؟

ايوووة. .

تمام الحمد لله...😀

طيب...

قولنا بقى ان ال Rعكس ال S يبقى مكان ما تكون ال Rطويلة تبقى ال S قصيرة ومكان ماتكون ال Rقصيرة تبقى ال Sطويلة .

هييجى واحد يقولى ليه؟؟

ليه ال R عكس ال S ؟😕😕😕😕

هقوله يا رخم علشان ال Rبتصور ال left ventricle وآل Sبتصور ال right ventricle ومادام الright عكس ال left يبقى ال R عكس ال S .

بصوا على رسم القلب كده هتلاقوا كلامى صح😉

مفهومة دى...

سهلة خالص اهوووو..

طيب الكلام ده مهم؟؟

أيوة مهم...ده بقى حياة بتوع القلب متوقفة عليه... ده الشغل...ده الmoneyy بتاعة القساطر. ..ازاى الكلام ده😮😮

بعد كده ان شاء الله هنقول لو ال R دى اختفت ...

ايه ده هى ممكن تختفى؟😱😱😱😱😱

أيوة لو العيان جاله جلطة فى القلب MI ممكن تختفى وطبعا هيحتاج قسطرة. ..يعنى فلوس😎😎😎

يبقى ال R دى مهمة علشان الفلوس😀

فلوس فى عينك...احنا بتوع الكلام ده؟؟ ال R  دى مهمة علشان هى لوحدها بتعرفك نص أمراض القلب ال ممكن تيجى للعيان. .

ولسه ياما فيه مفاجآت وانبهارات. ..

فيه انبهاراية صغيرة باقية فى البوست ده...

axis of the heart...

ده حاجة كده استغفر الله العظيم...

هنعرف بس عنها جملتين حاليا...

ال normal axis of the heart is to the left

يعنى الطبيعى أن ال axis of the heartt حادف ناحيةالشمال شوية صغيرة بس ده مش هنعلق عليه كده فى ال ECG احنا هنقول normal axis وخلااااص

انا بس بفهمكم.

طيب نعرف ازاى من رسم القلب ان ال axis نورمال ولللا لا؟؟؟بص على LI & LIII لقيتهم الإتنين لفوق زى رسم القلب ده كده يبقى normal

لقيت LI لتحت و LII لفوق يعنى بيسلموا على بعض يبقى right axis deviation

لقيت LI لفوق و LII لتحت يعنى مخاصمين بعض يبقى  left axis deviation

سهلة والله سهلة😀

يللاا السلام عليكم👻👻👻👻👻👻👻👻👻👻