دروس فى طب الحلات الحرجة للمبتدئين : FLUIDS2

الجزء 2 من بوست المحاليل

مين محتاج محلول؟

#ECG_2016_wafaa_ammar_محاليل2

البوست ده رغم طوله اغلبكم عارفينه. .اقروه من غير كسل مش هياخد خمس دقايق..

وهتلاقوا الجزء الأول من البوست ال هو أنواع المحاليل فى الكومنتات. ..آخر دلع اهووو بقى مفيش اكتر من كده

😐

قولنا الجزء ال فات أنواع المحاليل كلها على بعضها وهنرتبها بعد شوية. .

بس عاوزة انبه لحاجة..

المحاليل ال بنتكلم عنها هنا هى مايخصنا احنا فى الرعايات والباطنة بانواعها. .

فيه زملاء أضافوا تركيزات بيستخدموها فى اقسامهم. .نشكرهم جدا وياريت أى حد يلاقى اى حاجة ناقصة فى كلامى يكملها علشان كلنا نستفيد أن شاء الله..

نكمل بقى....

اول حاجةعاوزين نعرفها مين محتاج محلول من العيانين؟؟

منطقيا كده يا جماعة المحاليل دى عبارة عن volumee انت بتديه من بره الجسم..لو هتدى زيادة عن المطلوب عيانك هيحصله oedema ممكن بقى تكون tissue oedema or pulmonary oedema

ولو أديت أقل من المطلوب عيانك هيفضل تعبان..

يبقى نعرف نوع العيان وكمية المحلول ال هيحتاجها اد ايه..

وهنوسع الكلام هنا شوية علشان انتوا كبرتوا خلاص مبقتوش ميزو

😊

اولا مين مطلوب له محلول؟؟

كل العيانين ال عندهم dehydration

ودول يشملوا. .

عيانين DKA...اكتر ناس هتاخد كميةمحاليل فى العالم.

عيان old age ومش بياكل كويس من.كام يوم وجايلك dehydrated

ودول بنشوفهم كتير جدا على فكرة وللعلم الإنسان لمايعجز بيرجع طفل تانى

😔...كل ال يأثر فى الأطفال يأثر فيه.. يعنى الطفل يمنع رضاعةيوم يجيله جفاف والعجوز كده بردووو...يمنع أكل يوم يجيله جفاف.

فئة تانية..العيانين ال عندهم

Severe diarhhroea..

الإسهال. .لأنهم بيفقدوا كميةسواءل رهيبة..وسواءا كانت

Physiologocal diarrhoea

زى ال بنشوفها على العيد الكبير نتيجة أكل الدسم كتيير. .

او bactrial diarrhoea

زى الكوليرا..ودى رجعت تانى فى بعض المناطق للأسف..وغيرها

او نتيجة مشاكل فى القولون زى ال Crhon's disease والكلام ده..

كل دول هيحتاجوا محاليل

😐

فيه حد تانى؟ ؟

أيوة فيه..

عيانين النزيف بقى لأى سبب الله يشفيهم..

واحد فى حادثة..

واحدة بتولد. .

عيان فى عملية..

وهكذا..

حد كمان؟؟

ايووووه..حد كمان..

وده بقى ال بيعملنا كلنا توتر وتبقى مش طايق نفسك...

عيان معندوش ولا اى حاجة من ال فوق دول...وهبط عليك كده من السما وانت قاعد فى الاستقبال ضغطه وااطى

😕

ده هياخد محلول..بس بشروط..

ايه هى الشروط؟؟

اولا لازم تسأل على الأسباب ال فوق دى وتعرف أنها مش موجودة..

ولو ده حصل ماتفرحش قوى. .

😕

دا هو دا العيان الكارثة...

لأن ممكن يكون فيه نزيف داخلى وحضرتك مش شايفه

😱

لذلك لو جالك العيان السليم من بره الواقع من جوه ده لازم لازم لازم تفحصه كويس...

😕

وتشوف ال

abdomen rigid or relaxed

😕

وتعمله سوناااار

ولو ست حامل أو بتفكر تحمل..متجوزة يعنى. ..لازم بتوع النسا يطمنوك ان مفهاش

ruptured ectopic pregnancy

يا دوك...والا هتبقى وقعتك بيضااا. .

😱

ولو انت فى الوحدة لوحدك عندك سونار. .خد بصة. ..لقيت الدنيا تمام..فل ..اوووك. .

شكيت...تركب كانيولا وتحط فيها 500 ملح و250 هيماجيل وجرررى على أقرب مستشفى...

شفت بقى الموضوع مش هزااار. .

الحلو من بره ضايع من جوه ده مصيبة لوحده...

💩

خدوا نفسكوا. ..

لو لقيت بقى كل ال فوق ده تمام ومفيش اااااى مشاكل يبقى غالبا ده عيان orthostatic hypotention

دول يبقوا زى حالاتى كده وحالات أغلب الستات والقليل من الرجالة

😕

عندهم sensetivity شوية فى ال autonomic nervous system

😌

يمشوا فى الشمس يهبطوا. .فى الحر يهبطوا. .مافطروش كويس يهبطوا.. ما اكلوش حاجة مالحة فى الفطار يهبطوا. ..مافطروش خالص يهبطوا..اكلوا اكتر من اللازم يهبطوااا...وياسلام بقى فى الصيام مع كل ده...هيهبطواااا هيهبطواااااا......ولو اتنرفزوا يهبطوا. .

هم مش عيانين

😢

😢 بس هبطانين لأن ال blood vessele wall tone عندهم ضعيف شويتين..

دول بقى ال هيهبطوا عليك كده وانت قاعد فى الاستقبال من غير سبب لا بيك ولا عليك..وبييجوا ساعات كده gush ورا بعض... بالذات فى الصيف..واغلبهم يا حرام ستات...وانت تفضل تشتم فيهم وتقول psychic وبيدلعوا وهم غلابة وال autonomic بتاعهم هبطان خلقة

...دى طبعا لازم تجيلك المستشفى..اومال يعنى تهبط لوحدها فى البيت؟؟

حلو الكلااام؟ ؟

كلااام جميييل