FLUIDS@

معلومة فى كبسولة..
حساب خريطة سوائل المريض مهم جداااا يوميا..
بتحسب السوائل الداخلة للمريض كام والخارجة منه كام والمطلوب ايه..
 الداخل = أى كمية سوائل بالفم + أى محاليل ياخدها وريد + أى محاليل بتضيف عليها الحقن الوريدية + لو نقلت دم أو بلازما + الالبيومين لو بتديه للعيان.
كل ده خلال 244 ساعة.

الخارج = البول وده يتم تجميعه فى كيس بول وتؤخذ القراءة كل 4-6 ساعات أو حسب حاجة المريض+ 500 مل للعرق صيفا + 300 مل للنفس لو العيان بيتنفس من الفم زى عيانين stroke مثلا
+ أى كمية نزيف حصلت .
يتم تدوين البيانات دى فى chart مخصوص موجود فى كل تذكرة مريض اسمه  fluid balance chart والبنات عارفين بيعملوه ازاى وبيحسبوه بس انت لازم تشوفه كويس علشان تعرف تكمل الخطوة ال بعد كده 👇👇👇
أهمية خريطة السوائل...
الطبيعى. . الداخل = الخارج ونسميها balanced
لو العيان overloaded 👈👈👈👈👈👈زى حالات ال heart failure,liver failure,renal failure still in diuretic phase, pulmonary oedema 
فى الحالة دى لازم يبقى negative balance
يعنى الداخل أقل من الخارج علشان تعرف تنزل ال oedema 
لو العيان hypovolaemic 👈👈👈👈👈👈 زى حالات ال dehydration,bleeding,DKA,diuretic over dose وبعض أنواع ال shockk ال شرحناهم فى المحاليل. .يبقى لازم تعمل positive balance
يعنى الداخل يبقى أكبر من الخارج علشان تصحح ال hypovolaemia.
الكلام ده لازم وانت مركب للعيان CVL علشان تظبط ال fluid balance طبقا ليه ..
وقولنا قبل كده ان ال
normal CVP = 5-12 mmH2O
ملحوظة مهمة جداااا. ...👑👑👑
لو عيانك overloaded وعاوز تعمل 
negative balance 
لازم تمنع عنه الملح...ممنوع ياكل أو ياخد اى محاليل فيها ملح لأن الملح بيعمل  water retention وعمرك ماتعرف تظبط ال balance.
 وشوفناها كتير. .تبقى كل حاجة مظبوطة والعيان مش راضى يظبط معاك وتكتشف أنه بياكل ملح او بياخد saline ....مهم جدا يا جماعة الكلام ده 👉👉👉👉

البروتوكول ده غالبا بيتعمل فى وحدات الرعايات المركزة بس بنقوله علشان ممكن دكتور الرعاية يركب ال CVL ويقولك خلى العيان عندك فى القسم الداخلى واحسب ال balance وده بيحصل كتير فلازم كلنا نبقى عارفين ال fluid balance كويس...