TRANSFUSION-2

صباح الخير..مساء النووور 
نقل الدم--2

خلصنا كده الدم؟
لاااااا. ..لسه...
باقيلنا ال plasma..
ال plasma هى عبارة عن الدم بس من غير ال RBCs...
وكل الكلام ال قولناه فى تكنيك النقل فووق ينطبق على البلازما بخذافيره. .
بس فيه نقطة...
كيس البلازما بيبقى اصغر شوية.. عادة 300 مل. .او أقل شوية.
وحاجة مهمة قوى قوى قوى قوى قوى..
البلازما مش بتتحفظ فى تلاجة القسم ولا فى تلاجة الدم ال فى المعمل. .
البلازما ليها تلاجة مخصوص..
ايووووة مخصووووص..
الرفوف بتاعتها بتكون هزازة. .يعنى بتتحرك حركة جانبية خفيفة من اليمين للشمال أو من قدام لورا..
ليييييه؟؟
لأن البلازما بتبقى فيها تركيز عالى من الصفائح الدموية...ال platelets
 لو سبتها ساكنة شوية الصفائح دى هتلزق فى بعضها وتعمل زى جلطة ..وطبعا بتبقى جلطات صغيرة جداااا ممكن إحنا مش هنشوفها بس هتخرب بيت العيان لو دخلت جسمه لأنها هتقفل أى blood vessle صغير تدخله وتجيب حاجة للعيان شبه المرض ال انتوا عارفينه ال اسمه DIC

يبقى لو حضرتك ناوى تنقل بلازما لعيان لازم تبقى عارف ان المعمل فى المكان ال أنت فيه فيه تلاجةبلازما أو لا ..
ولو مفيش ..تجيب على اد ماهتحتاج النهاردة بسسسس. .
 مش تجيب عشر أكياس تدى العيان منهم أربعة والستة الباقيين يبوظوا وترميهم. .لاااا. .حرام عليك...فيه عيان غيره محتاجهم النهاردة.
لو مفيش تلاجة اطلب اليوم بيومه. 
طيب...
نقطة مهمة...
 فيه اختراع كده ما أنزل الله به من سلطان...ناس تحب تدفى البلازما فتجيب طبق أو حاجة كبيرة فيها مية سخنة وتنزل فيها اكياس البلازما علشان تدفيها...طبعا انت عارف ايه ال حصل كده...البلازما كده اتسلقت. 
 هتقولى فيه ناس كتير من التمريض بيعملوا كده ومفيش مشاكل...هقولك هى عارفة درجة الحرارة ال تستخدمها من غير ماتضر البلازما...انما انت لوقولت لأهل العيان اعملوا كده هتبقى بتديله بيضة مسلوقة وريد😂😂😂
 البلازما لو مجمدة تخليها بره الثلاجة فى درجة حرارة الغرفة لحد ماتفك وتبقى فى درجةحرارة الغرفة بردو.
 والدم كذلك

آخر حاجة فى الجزء ده...
البلازما مش كلها زى بعضها..
البلازما انوااااع..
فيه fresh plasma 
Fresh frozen plasma 
Frozen plasma
Cryo plasma
بيختلفوا فى ايه؟؟
اهم حاجةبيختلفوا فيها هى محتواهم من ال plasma proteins.
وايه هى ال plasma proteins دى..
دى هى بإختصار ال 
co-agulation factors
عوامل التجلط. 
طبعا ال fresh plasma احسنهم لأنها فيها كل حاجة...لسه fresh بس مش هتلاقيها غالبا.
ال fresh frozen plasma
يبقى فيها بعض الfactors ناقصة
ال frozen plasma بيكون تقريبا فيها 2 factors بس..
فأنت لو عاوز تدى لعيانك
clotting factors
عيان بينزف لأى سبب..اديله fresh plasma or fresh frozen plasma
ولو عاوز تدى للعيان volume ومعاه شوية platelets 
وده بنحتاجه فى حالات ال 
trauma &accidents
اكتر...يبقى أدى frozen plasma
لحد العيان ما يدخل العمليات..ده مع الدم طبعا.
طيب ايه بقى ال cryoplasma دى؟
دى بقى خلاااصة ال
co-agulation factors
 اغلبهم متجمعين من بعض وممنزوع منهم السوائل. .ودول بنحتاجهم لوعيان بينزف نزف شديد وممنوع تديله volume كبير. .زى فكرة ال packed RBCs كده...دول الخلاصة يعنى.

FLUIDS 4

المحاليل الجزء الرابع والأخير. .
هنزله حالا..
تابع معايا Ibrahem A Fekry

هنكمل آخر جزء فى المحاليل يا جماعة. .
استخدامات كل محلول..
اولا ال isotonic solutionss كلها تستخدم فى حالات ال 
Replacement with small & moderate volumes
يعنى لو هتدى 2-3 لتر للعيان استخدم ال isotonic عادى سواءا كان 
Saline or glucose.
فى حالات هتستخدم large volume
زى ال severe dehydration & 
DKA
لازم تبقى عارف ان ال
isotonic solutions
ممكن تعمل هنا brain oedema للعيان وشفناها كتير..
الحل فى الحالة دى انك تقسم ال volume زى ما اتفقنا..
1/3 colloids
2/3 crystallized
ال hypertonic saline
لا يفضل استخدامه مع ال 
severe dehydration
لأنه غالبا بيكون معاه hypernatraemia
.انت كده هتضر العيان اكتر.
بنستخدمه فى حالات ال hyponatraemia ودى غالبا بتكون فى ال severe oedema
بس تبقى حاسب كويس ال volume ال هتديه حسب احتياج المريض وبيخسبوا كمان معاه ال  Na deficit.
نيجى بقى ل 
Hypertonic glucose
ده نوعين.. ال 10% و 25%
بنستخدمهم فى حالات ال hypoglycaemiaa بحسبةمعيمةهنقولها فى وقتها ان شاء الله

سؤال جالى. .
هل ممكن ال hypertonic solutions
نستخدمها كبديل ل colloids؟
لو عملت كده هتبقى بتحمل العيان 
Na or glucose load
عالى جداا. .يفضل بلاش
ولو مضطر زى حالات مش عندك colloids ممكن تستخدمها بس تبقى عارف ان كل 
100 ml glucose 25% =500 ml glucose 5%
وان كل 
100 ml saline 1.8 % = 200 ml saline 0.9%
من حيث تركيز السكر أو الملح.
فلو مثلا محتاج 1 ليتر normal salinee ومضطر هتستخدم 
100 ml saline 1.8%
يبقى تستخدم 1/2 الكمية فقط 
Hypertonic saline
وتكمل الباقى ب glucose 5%
مش saline.
عارفة ان الجزئية دى صعبة..
معلش ال مش عارفها يسأل فى كومنت.
نيجى لل manittol
المانيتول سكر بردو بس سكر عديد التسكر مش احادى التسكر زى ال glucose
الاستخدام الأشهر ل manittol
كانوا بيستخدموه فى ال ICU 
 as a brain dehydrating measure with cases of mild to moderate CVS associated with brain oedema.
وبعدين قالوا من كام سنة أنه بيعمل 
Brian cell dehydration 
& doesn't have effect on mortality rate
فبطلوا يستخدموه. .وبعدين ...من تلات سنين ونص تقريبا رجعوا يستخدموه تااانى. .
فى العرف السائد بس مش عارفة آخر 
guide lines 
قالت ايه...احنا لسه بنستخدمه لنفس الغرض. 
لو حد عنده المعلومة يقولنا لوسمحتوا آخر manittol indications guide lines
فيه استخدام آخر للمانيتول..
المانيتول من حيث ال osmolality
بال- للام مش بالراء -
يكافيء ال glucose 25%
فممكن تستخدمه زى ال
glucose 25% 
بديل لل colloidss بالطريقة ال قولناها ولكن ده لو مزنوووق قوى قوى قوى ولا يفضل أصلا الا لوفاهم انت بتعمل ايه كويس لأنه بيعمل 
severe diuresis
وممكن بسهولة جدا يدخل العيان فى 
Dehydration
انا عن نفسى13 سنة من اول امتيازى للنهاردة عمرى ما اديت لعيان 500 مل مانيتول..
دايما نستخدم 100-1500 مل بالكتير.

بعد كده عندنا ال haemagel & hysteril 
دول بنستخدمهم زى ماقولنا فوق
وليهم استخدام آخر فى حالات ال 
Haematemesis used as plasma expanders 
يعنى ايه؟
يعنى..لو عندك حالة نزف من ال venous side
بتبقى محتاج محلول يحتفظ بأكبر كمية من السوائل داخل ال 
vascular system
ده بيعمله ال colloids
وبنستخدمها بنسبة عكس ال dehydration
هنا بتدى 2/3of the volume colloids
& 1/3 crystalloids
آخر حاجة ال albumin
الالبيومين بنديه فى حالات ال 
Liver cell failure
& nutritional hypoalnuminaemia
& any case of hypoalbuminaemia
النورمال البيومين 
3.5 -5 gm/dl 
اقل من 3.5 تدى وملوش dose
انتى بتدى زجاجة 3 مرات فى اليوم وتعمل التحليل لحد ماتظبطه.
ياخد يوم اتنين تلاتة مفيش مشكلة.
زمان كنا بنديه لأى عيان 
liver cell failure with hypoalbuminaemia
 حاليا من.كام سنة ليهم بروتوكول نبقى نسأل فيه زملائنا فى الباطنة

وفيه حاجة تخصنا فى الموضوع ده..
اى عيان ينام شوية يحصله نقص البيومين حتى لو الكبد طبيعى فلازم ناخد بالنا من كده..
 any bed ridden patient will have hypoalbuminaemia after sometime..even if his liver is healthy....so ,
 You should follow-up albumin serum level and correct it with I.V.albumim sunlemntation .

..........................

اعتقد كده قفلنا المحاليل تمام جدااا 
لو فيه اى إضافة من اى زميل أو اى سؤال اتفضلوا. 
............. 😀

ECG 15

بوست 14

البوست ده فيه كل حاجة...رسم قلب وايكو وكلينيكال وأفكار واناتومى و cardiac cyclee كمان.. حلو قووى

اقروا بصبر...ممتع جدا ومليان معلومات هتريحنا قدام قووى ان شاء الله ☺....وكله كلام انتوا عارفينه مع شوية نكهات كده من عندى 🍡🍕🍝

الف هنا....🍰🍦🍧🍨

#ECG_2016_wafaa_ammar

اخر بوست النهاردة فجر  16/5/2017

هنتكلم بسرعة عن ال abnormalities

ال ممكن نلاقيها فى ال ECG waves

بحيث إما تقابلها تبقى عارف ده أيه. .

بس الكلام ده يعنى شكل ال abnormal wave ممكن يكون ازاى وده مش تشخيص..

التشخيص غالبا مجموعةتغيرات مع بعضها.

اول حاجة ال P-wave..

بس قبل ما نقول ال abnormalitiesبتاعتها

لازم نقول ان احسن lead تشوف فيه P-wave هو LII

يعنى عاوز تحكم على اى حاجة تخص ال P-wave بص على LII بس...

نشوف بقى ال

P-wave abnormalities

_______________________

ممكن تبقى peaked يعنى طويلة شوية عن الطبيعى. .وافتكروا الطبيعى كان 2.5-3مربع صغير ارتفاع و 3 عرض..ودى يسموها

P-pulmonale

بتحصل فى الحاجات ال يكون فيها أمراض رئة علشان كده اسمها pulmonalee ..ودى حاجة من الحاجات ال ممكن تشوف مثلا دكتور شاطر كده يمسك رسم القلب يبص فيه ويقولك العيان ده عنده غالبا COPD .. كلنا عارفين ال COPD

طبعا الناس تستغرب جدا ازاى عرف COPD من رسم القلب؟؟

علشان شاف P-pulmonale

ودى علامة من ضمن علامات كتير للCOPD علشان محدش كل مايشوفها يقول كده..

اصبروا...

وممكن ال P تبقى واسعة فى العرض يعنى اكتر من 3 مربعات صغيرين ومعاها أو لا notchh كده يقسمها لو واسعة يبقى اسمها P-mitral

واضحة دى...نسبة ل mitral valve وبتحصل مع مشاكل الmitral زى  mitral regurge & mitral stenosis

وممكن تبقى ال P نصها فوق ونصها تحت..

يعنى ايه؟؟

يعنى نصها فوق السطر ونصها تحت السطر ويبقى أسمها أم نصين او أم وشين  biphasic P-wave

ودى معناها ان الاتنين atria متضخمين. .حاجة كده يسموها biatrial enlargement

بصوا على الصور تحت هتلاقوها..الصورة الخضراء.

استنى استنى...ايه علاقة ال P بال atrial enlargement?

افتكروا فى البوست ال اتعرفنا فيه على ال normal heart beat قولنا أن ال P-wave بتمثل ال atrial contraction...

أيوة قولنا كده...

هنا بقى هنزود معلومة. .

النص الاولانى من ال P-wave بيمثل ال right atrium contractionn وده بيبقى ضعيف قوى لدرجة أنهم بيقولوا مجازا أن مفيش أصلا right atrial contraction....

ابقوا فكرونى اقولكم بعدين ليه ضعيف.

نيجى بقى للنص التانى من ال P-wave ال هو بيبقى قبل ال PR segmentt على طول..ده بقى بيمثل ال left atrial contraction وده بيكون اقوى شوية وبيحصل فى آخر ال diastole...

أيوة. .سمعتوا صح.. ال diastole..

حد هيقولى ازاى contraction فى ال diastole??

هقولك..

ال atrial contraction بيحصل فى ال diastole علشان ينزل آخر شوية دم فى ال  atrium ويزقهم ل ventricle

علشان يتملى دم..وده طبعا لازم يحصل فى ال diastole..

اومال ال systole ده ايه بقى؟؟

ده ال ventricular contraction

ملوش علاقة خالص بال P-wave

أظن بقى واضح ليه ال P بتبقى pulmonal مع ال lung disease لأن ال right atriumm هو ال بيكبر .

وبتبقى واسعة أو mitral مع ال mitral disease علشان ال left atriumm هو ال بيكبر لو فيه مشاكل فى الصمام الميترالى.

ولو العيان عنده الإتنين COPD & mitral valve disease ..stenosis or regurge  بتبقى دى الحالة ال بيسموها corpulmonal وعلشان كده بتلاقى ال P غالبا bifid or notched or biphasic

ودى اعجوبة بالنسبالك وتبقى مستغرب قوووى ان دكتور مسك رسم القلب دقيقة وقالك العيان عنده corpulmonale & most probably mitral valve stenosis and regurge. .

يعنى قالك مجرد ما بص فى رسم القلب ان العيان عنده ارتفاع فى ضغط الشريان الىءيوى وهبوط فى عضلةالقلب وغالبا عنده ضيق وارتجاع فى الصمام الميترالى...

والناس بقى مسبهلة ازاى عرف كل ده من رسم القلب؟؟

للحق هو فعلا شاطر لأنه قرا وفهم القصة ال قولتها دى.

وواحد اشطر بقى ممكن يحددلك كمان الشدةبتاعة الضيق أو الارتجاع ده 😉

انا اعرف حد كده فعلا 😉😉😉

طيب فيه abnormality تانية..

ممكن ال P دى تختفى خااالص..

فى حالات اشهرها AF وتتميز بأن ال heart rhythm بيكون irregular

او فى حالات ال severe tachycardia يسموها SVT

وابقوا فكرونى واحنا بنقول ال arrhythmiaa ان شاء الله نقول الفرق بين الاختفاء ده و ده.. يعنى ليه وازاى بتختفى فى ال AF وليه وازاى بتختفى مع ال severe tachycardia

مين ناوى يفكرنى. .يكتب اسمه فى كومنت ...😊

و فيه abnormality كمان...

ممكن ال P تبقى موجودة بس فى كل ضربة بشكل..

يعنى ايه يا جماعة؟؟

يعنى وانت فى نفس ال lead تلاقى ضربة ال PP كبيرة وحلوة وواضحة.. وضربة تلاقيها صغيرة قوى وضربة تلاقيها flat خالص نايمةعلى السطر وعادة فى الحالة دى بيكون ال heart rate irregular وبيسموا الموضوع ده MAT ..ياساتر يارب..

MAT= multi focal atrial tachycardia

يعنى ال atrium اتجنن وبدل ماكان بيطلع impulse من ال SANN بس بقى فيه كذا بؤرة بتطلع impulses

والموضوع ده خطير؟؟

بنعامله نفس معاملة ال AF

ولو شفت النوع ده من ال P-waves اعرف اتوماتيك ان العيان ده عنده COPDD بتحصل كتير قوى مع العيانين دول بس ممكن تروح وتيجى يعنى تعمل للعيان مرة رسم قلب تلاقيها ومرة لا.. تلاقيه sinus rhythm عادى خالص.

خلصنا كده ال P-wave?

لسسسسه..

ممكن بقى تلاقى ال P-wave موجودة ونفس الشكل كلهم بس مش كلهم بيوصلوا. .

يعنى ايه ده؟؟

فاكرين لما قولنا آل P دايما بعدها QRS وان ال P= atrial contraction

وآل QRS=ventricular contraction?

وطبعا انتوا عارفين ان ال beat الواحدة هى systole +diastole يبقى لازم كل PP يبقى بعدها QRS ده الطبيعى. .

طيب لو لقيت ال P موجودة بس مفيش وراها QRS اعرف ان العيان ده heart block. .

ده مبدئيا يعنى...

اوووك كده؟؟؟

اوووك. ..

طيب فيه اى abnormalities فى ال Pتاانى؟؟😨

أيوة....

ان يكون ال Pموجودة بس شكلها غريب ..اصغر جدا من الطبيعى والضربة الواحدة فيها اكتر من  P-wave يعنى الضربة الواحدة فيها P كتير..

وبتكون ليهاشكل مميز قوى زى أسنان المنشار يسموها flutter wave ويبقى العيان ده عنده  atrial flutter.

طيب فيه حاجة تااانى؟ ؟

ايوة فيه..

ان ال P-waveتكون مقلوبةخالص..

القبة بتاعتها لتحت مش لفوق عكس الطبيعى ويسموها

Inverted P-wave

ودى بتحصل مع حاجة اسمها nodal rhythmm مالناش دعوة بيها. ..انسوها. .بس ال ناويين ياخدوا نيابات قلب اوعنايةاوتخدير يحفظوها وابقوا فكرونى اشرحهالكم فى ال arrhythmia ان شاء الله 😉

باقى حاجة واحدة بس بس بس ..

ان ال P-wave تيجى بعد ال QRS complex مش قبله..يانهار ابيض ياجدعااان 😨😨😨ازاى ده؟؟

أيوة فى حاجة اسمها retro grade P-wave بتحصل فى أحد انواع ال nodal rhythmm ال اتكلمنا عليه حالا ده..

مالناش دعوة بيها...مؤقتاااا

والسلام عليكم ورحمة الله...

كفاية كده على ال P-wavee.

________المختصر______

Abnormalities of P-wave :

P-pulmonal = right atrial enlargement

P-mitral = left atrial enlargement

biphasic P = biatrial enlargement

abscent P with irregular heart rate = AF

Multifocal P-waves = MAT ( multifocal atrial tachycardia ..occurs in COPD)

dropped P = heart block

small uniformal multiple P = atrial flutter.

Inverted P = type of nodal rhythm

Retrograde P = type of nodal rhythm.

ECG8

بوست 8

#ECG_2016_wafaa_ammar

البوست ده بتاع المقاسات..ال يعدى البوست ده نقوله ألف الف مبروك فهمت نص ال ECG 😀

اتفقنا فى البوست ال فات على شكل ال normal heart beat واسم كل جزء فيها ومدلوله اوهنمشيها وظيفته..

البوست ده هنعرف بقى ان كل جزء سواءا wave or segment ليه مقاسات...طول وعرض

بس علشان ماتزعلوش هنقول الحاجات المهمة بس 😀

وفيه صور تفصيلية..تقرا الكلام وتبص على طول على الصورة علشان تفهم...

اتفقنا اول حاجة فى ال beat هى ايه؟؟

شطار P-wave ...

دى مقاسها تلاتة فى تلاتة 3×3

يعنى ايه؟؟

يعنى تلات مربعات من المربعات الصغيرة قوى دى طول وتلاتة ارتفاع...

سهلة اهووو. .

بعدها فيه خط اسود صغير كده بين ال P و ال QRS

ماقولناش عليه البوست ال فات بس هو مهم قوى قوى قوووى. .

الخط ده اسمه PR-segment ...أيوه شاطرين. .يعنى الوصلة بين ال P و ال R

الخط ده طوله نورمال مايزدش عن 3 مربعات صغيرة بردووو. .

حلو وسهل اهوووو...

بعد ال PR فيه ال QRS complex هناخده كله على بعضه من اول ال R لحد اخر ال S عرضه مايزدش عن 3.5 مربع صغير.. يبقى تلاتة تلاتة ونص استحالة يكمل اربعة...

تمام كده؟؟

طيب حد هيقول اومال فين ال Q ؟😮

ال QQلو موجودة نورمال هتبقى صغيرة قوى مش مهمة.. ولو مش نورمال ليها قصةلوحدها هنقولها بعدين..

وعموما ال normal Q اقل من 1×1 وبنحسبها ضمن ال 3.5... يعنى لوموجودة يبقى بيها كله  3.5 بالكتير. .

ممكن يبقى 3 بس او حتى 2.5

هنمشيها 3-3.5 قريب من ال P😉

وبس كده؟؟ .....لاااااااااااا. ...

لسه ارتفاعه...

ال QRS complex بقى بيدلع ملوش شكل ثابت فى كل ال leads وهنبقى نقول ليه...

ساعات تلاقى ال R طويلة وساعات قصيرة 😮

وساعات تلاقى ال S ..deep قووى نازلة تحت قووى وساعات لا 😮😮😮

المهم ان اطول R ماتزدش عن مربعين كباااار

نور النووور هنا..مربعيين ابيييييييه؟؟ كبااااار

و.....خلاص كفاية كده حاليا... مؤقتا يعنى اعرفوها كده بس.

بعد ال QRS فيه اييييه؟؟؟

ايوووة. ...الخط المهم ال قولنا تحفظه زى اسمك...

ده ال ST-segment 🚀🚀

ودى ملهاش طووول. ..الحمد لله 😀

ماتفرحوش قوى. ..ليها ارتفاع 😄

دى لازم تبقى isoelectrical يعنى ماشية على الخط بالظبطططط لا فوووق ولا تحت ...

لو شفتها  طلعت فوق الخط مبدئيا كده صوووت وهات ناس معاك تصوووت ومديرالمستشفى يصووووت 😱😱😱😱😱😱😱😱

دى كده تبقى MI يعنى جلطة فى القلب بتحصل حالا قدام عنيك..

طبعا مش هتقف تتفرج...صووووت

)مبدئيا طبعا ممكن حاجات تانى )😒😎

طيب لو لقيتها نازلة تحت الخط؟؟

صوت بردو بس مش كتير...غالبا غالبا دى ذبحة صدرية 😨

باقي لنا اييييه؟؟؟

ايوووة القبة الفخمة ال زى الجمل...

ال T-wave

دى بقى برنسس فى نفسها كده طولها زى عرضها 5×5

والسلام عليكم ورحمة الله 😀😀😀

افرحوا...اصعب بوست خلص😉

ااه وربنا خلص 😀

............

ملخص الحدوتة للناس الدحيحة. ..

P-wave 3×3

PR-segment 3

QRS complex 3 maximum 3.5

ST segment isoelectrical

T-wave 5×5

👯👯👯👯👯👯👯👯👯👯

#wafaa